Fundación Mujeres realizou o pasado 28 de abril unha visita á exposición “Emigrantas: emerxer do silencio”, ubicada no Kiosco Alfonso, unha mostra que busca rescatar o olvido da historias das mulleres galegas emigradas. Durante a visita guiada, as asistentes puideron coñecer de primeira man os contidos da exposición, que cuestiona a visión tradicional de que as mulleres emigrantes foron figuras secundarias ou pasivas.
A través do percorrido expositivo e do posterior espazo de diálogo, afondouse nas diferentes dimensións da emigración feminina, dende as motivacións para marchar ata as condicións de vida e traballo nos países de destino (como a discriminación, a explotación laboral ou a separación familiar—) . Neste sentido, sublíñase que, a pesar de desenvolverse en diferentes países e épocas, a narrativa sobre as mulleres estivo historicamente máis silenciada e invisibilizada que a dos homes.
As asistentes puideron percorrer unha mostra que combina diferentes tipos de materiais —desde documentos históricos e fotografías ata instalacións artísticas, pezas audiovisuais, cartas, obxectos persoais e testemuños gravados— que axudan a reconstruír as múltiples formas de partir, traballar, crear, resistir e regresar das mulleres galegas emigrantes.
Na exposición permitiuse a interacción de diferentes experiencias vividas, o que enriqueceu o espazo e favoreceu o intercambio entre as participantes. Xerouse un entorno seguro, respectuoso e de confianza, que facilitou a expresión libre das vivencias persoais.
Esta actividade está enmarcada nos espazos de participación do «Servizo de Apoio Integral ás Mulleres Coidadoras no municipio da Coruña» financiado polo Concello da Coruña.
