Esta colaboración está enmarcada dentro do Servizo de Apoio Integral ás Mulleres Coidadoras do municipio da Coruña, financiado polo concello da Coruña. A iniciativa desenvolveuse grazas a colaboración do persoal sanitario de traballo social dous centros de saúde do Abente e Lago, de Eviña, de Adormideras e Monte Alto durante os meses de marzo, abril e maio.
Ao longo destes meses participaron un total de 32 mulleres nuns itinerarios formativos destinados a ofrecer ferramentas de benestar, xestión emocional e redes de apoio para aquelas mulleres que sosteñen os coidados na contorna familiar.
O espazo formativo e de encontro desenvolveuse de forma presencial durante varias semanas no centro de saúde Abente e Lago, desde o 2 de marzo ata o 6 de abril, celebrándose cada luns en horario de 10.30 a 12.30 horas. No caso de Elviña, comezou o 7 de abril ata o 26 de maio na mesma franxa horaria sendo vos martes o día de impartición.
O itinerario estivo estruturado ao redor de varias temáticas esenciais, deseñadas especificamente para responder as necesidades de conciliación e do desgaste que sofren as coidadoras no seu día a día. Baixo os títulos de «Quen coida de min?» e «As cousas do querer», as participantes puideron reflexionar sobre a importancia do autocuidado, o amor propio e a necesidade de non postergar a propia saúde. Así mesmo, a través de sesións prácticas de «Escoita activa» e «Como poñer límites», achegáronse ferramentas clave para aprender a dicir «non» e comunicarse de xeito asertivo, mellorar a empatía e as relacións cos demais. En “Emocionarte” proporcionáronse as claves para xestionar as emocións de xeito saudable e en “Xestión de conflitos” abordouse o xeito de resolver éstes de forma satisfactoria e asimismo mellorar as relacións interpersoais e comunicativas. O itinerario completouse co taller «1, 2, 3… respira e relaxa», enfocado en técnicas de respiración consciente para combater a tensión e reducir a carga mental diaria.
Ambos itinerarios formativos tiveron lugar nuns espazos cómodos e seguros para que as participantes puidesen expresarse con total liberdade, compartindo as súas vivencias sen esquecer o obxectivo principal: desfrutar do proceso de aprendizaxe e dedicarse tempo a si mesmas. Tratouse dun momento de desconexión e autocuidado moi necesario para as usuarias.
O balance final do taller por parte das usuarias non puido ser máis positivo, destacando que a contorna de confianza xerado permitiu que conceptos como o compañeirismo, a sociabilidade, a espontaneidade e a alegría fosen o fío condutor de cada sesión. Ao peche do último taller, as participantes mostraron a súa gratitude e destacaron a gran calidade humana do grupo e das formadoras. Definiron a experiencia como un alivio diario cheo de aprendizaxe, compañía, paz, forza e apoio emocional.
Desde Fundación Mujeres agradecemos a cesión dos espazos por parte do centro de saúde Abente e Lago e do centro cívico de Elviña.
Para obter máis información sobre as actividades deste servizo, pódese contactar coa Fundación Mujeres non teléfono 981 29 40 97 (ext. 6006) ou non 657 61 32 15. Contamos contigo!
