Generic selectors
Exact matches only
Search in title
Search in content
Post Type Selectors

NOTICIAS

Rematan as actividades do Servizo de Apoio Integral ás mulleres coidadoras 2023

Fundación Mujeres, co apoio financeiro da Consellería de Política Social da Xunta de Galicia no marco da convocatoria de subvencións destinadas á realización de programas de interese xeral para fins de carácter social, con cargo á asignación tributaria do 0,7% del IRPF, levou a cabo un ano máis o Servizo de Apoio Integral ás Mulleres Coidadoras un proxecto co que se pretende favorecer o exercicio dos dereitos das mulleres e dunha cidadanía activa, a través do seu empoderamento persoal e a súa activación social e laboral.

Este ano desenvolvimos a nosa intervención en tres localidades da comunidade autónoma de Galicia: Ferrol, Cuntis e Pontevedra, podendo así chegar e dar unha atención de calidade a mulleres coidadoras que están nunha situación de especial vulnerabilidade, froito das propias características e consecuencias que teñen os coidados.

Gustaríanos agradecer expresamente ás mulleres que participaron nos obradoiros, as cales manifestaron a súa satisfacción co Servizo mediante as enquisas de valoración. Nestas enquisas podemos ver que se conseguiron cumprir as expectativas e os obxectivos marcados para o desenvolvemento do programa, sendo alguna das valoracións recollidas as seguintes:
–    “Mais meses dos cursos. Deberían durar dous días á semana”.
–    “Me pareció muy interesante. Desearía que tengamos mas cursos como estos”.
–    “Cogí mucha experiencia y mucha sabiduría. Aprendí muchas cosas. Pensé que era yo la que tenía estos problemas y encontré el apoyo del grupo”.
–    “Sería de mucha utilidad y ayuda que tuviera mayor duración impartiéndolo a lo largo del año”.
–    “Me encantó el curso y me ayudó a ser mejor persona”.

Cómpre salientar novamente o reclamo por parte das participantes da continuidade do Servizo, demandando unha maior duración do mesmo no tempo.
Por último, agradecer ao persoal técnico do Concello de Cuntis e tamén ao tecido asociativo que colaborou con Fundación Mujeres para a posta en marcha e o desenvolvemento dos itinerarios formativos, AFAL en Ferrol e AFAPO en Pontevedra, participando un elevado número de coidadoras familiares de persoas con Alzheimer e outras demencias destas dúas últimas localidades.

Contenido relacionado